最近開始秋涼，雖然氣溫未話降得太犀利，不過身體已經開始有反應，皮膚繃繃緊，嘴唇越來越乾燥。雖然系咁，啞光面嘅唇膏一啲都唔過氣，依然大行其道。大家都知道啞光質感其實本身就比較乾，點先可以係秋冬繼續用打造啞光質感嘅嘴唇而唔會起塊掉皮呢？呢度有啲小貼士比大家啦！


1.飲蜂蜜茶。早上起身先沖杯暖笠笠嘅蜂蜜茶，飲嘅時候稍微用茶水濕潤嘴唇。跟住塗薄薄一層潤唇膏再用matte唇膏，就可以令到嘴唇潤得來仲可以保持啞光質感啦！早上一杯蜂蜜茶仲清潤腸胃又提神，比咖啡更溫和呀！


2. 每半小時飲幾啖水。尤其坐office嘅女仔，成日都會唔記得飲水。其實嘴唇嘅水分都系由體內補充。所以如果不斷保證身體水分夠充足，嘴唇都無咁易繃繃緊啦！

3. 唔好直接補妝，先用紙巾濕水，輕按嘴唇抹去多餘或飯後剩低嘅口紅，然後塗薄薄嘅一層潤唇膏，再重新上色。咁樣先唔會越補嘴唇越唔均勻同埋起塊。

4. 最後就系最好定時做唇部磨砂。本身嘴唇光滑，無論用咩唇膏，塗上都更自然更smooth啦！


好多人覺得matte唇膏好難用來翻工因為太容易乾裂起塊，咁大家就不妨試下以上小貼士，keep住又潮又靚啦！如果你有咩親身經歷或者小貼士，都歡迎同我地一齊分享呀！